اسسٹنٹ کمشنر تلہ گنگ کیخلاف سخت تادیبی کے حکام کو چوبیس گھنٹے کی مہلت صحافیوں سول سوسائٹی اور شہریوں نے الٹی میٹم دے دیا گیا

تلہ گنگ(تحصیل رپورٹر ) سینئرصحافی چودھری غلام ربانی کیخلاف جھوٹی من گھڑت ایف آئی آر کو فوراً خارج کر کے اسسٹنٹ کمشنر و ٹی ایم او تلہ گنگ کیخلاف سخت تادیبی کارروائی نہ کی گئی تو احتجاج کا دائر وسیع کر دیا جائیگا۔ ان خیالات کا اظہار صحافیوں ،سول سو سائٹی کے ہنگامی اجلاس سے مقررین نے دوران خطاب کیا ۔صحافی ڈاکٹر علی حسنین نقوی،قاضی عبدالقادر ،زاہد اعوان ،محبوب حسین جراح،لاوہ سے قیصر سعید ،ممتاز قانون دان ملک عامر ایڈووکیٹ ،ملک محمد اسماعیل ایڈووکیٹ اسلام آبادوغیرہ نے خطاب کرتے ہوئے کہا کہ اسسٹنٹ کمشنر تلہ گنگ وسیم خان کا رویہ تکبرانہ،غرور والا ہے ۔غریب ریڑھی بانو کو وارننگ اور متبادل جگہ فراہم کئے بغیر ریڑھیاں ضبط کر لی گئیں ۔اور دو سو کے قریب غریب لوگ کو بے روزگار کر دیا گیا ۔اس پر جب اسسٹنٹ کمشنر کیخلاف آواز اُٹھائی گئی تو وہ طیش میں آگیا اور صحافیوں کیخلاف کارروائی شروع کر دی ۔اُنہوں نے کہا کہ سابق اسسٹنٹ کمشنر تنویر الرحمن کیخلاف نیب میں کیس چل رہے ہیں ۔تبادلہ ہونے کے کئی روز گزرنے کے باوجود وہ نئے اے سی کے ساتھ مل کر شہریوں پر ظلم ڈھا رہے ہیں ۔اجلاس کے شرکاء نے ایک قرار داد کے ذریعے چیف سیکرٹری پنجاب ،ہوم سیکرٹری،کمشنر راولپنڈی اور ڈی سی او چکوال سے اسسٹنٹ کمشنر وسیم خان کے فوری تبادلہ کا مطالبہ کیا بصورت دیگر حالات کی تمام تر ذمہ دار متعلقہ حکام پر عائد ہو گی۔